Piştî ku li herêma rojhilat sermayexistinên tenduristiyê hatin zêde kirin û qadroyên pêwîst hatin tayîn kirin, emeliyetên gelek girîng jî êdî li bajarên rojhilatê tên kirin.

Xeberek xweş û balkêş, herî dawî ji Tatvana Bitlisê hat. Keçikek 18 salî ya ji Patnosa Agriyê, bi gazinca zikêşê hat nexweşxanê. Lê piştî tetkik û lêkolînan, hat tespit kirin ku, di kezeba nexweş de, kîst heye.

Li ser vê yekê, Dixtorên pispor Esra Ayhan û Yucel Yuksel, biryar dan ku vê emeliyetê, li Tatvanê bikin.

Emeliyet piştî 2 seetan qediya. Kîst, bi awayeke serkeftê hat jêbirin.

Herdu bijîşkan jî diyar kirin ku, emeliyet gelek baş derbas bûye û rewşa nexweş gelek baş e.

Ji ber ku keçika wan ji êşa xwe xilas bû û emeliyetek gelek baş derbas kir, bav Celaleddin Keşer û dayik Perizade Keşer jî gelek dilşad û bextewar in.

Serdixtorê Nexweşxaneya Dewletê ya Tatvanê Reha Sermed Aygoren jî, ji ber ku emeliyetek wisa girîng û giran, li Tatvanê hat kirin, gelek kêfxweş bû û her du dixtor pîroz kir.